Желбата да се објави овој проект на страниците на ЕМИТЕР беше иницирана од едно момче, вљубеник во хај-фај опремата, кое не сакаше за цена од над 400 германски марки да купи засилувач од 2x60 W, во кој производителот со крупни букви наведува солидни карактеристики за на крајот со мали букви да биде наведено дека тоа се однесува за 50% од декларираната моќност. Затоа веднаш, на самиот почеток, ги прикажувам техничките карактеристики кои најдобро зборуваат за самиот засилувач, а кои се измерени кај средно моќната изведба.

Овој, прв дел од написот ќе содржи краток вовед за MOSFET транзисторите, детален опис на електричната шема на засилувачот, опис на напојувањето, на DC-заштитата со задоцнето вклучување на звучниците и на склопот за управување со вентилаторот.

Клучни зборови:
засилувач, моќност, транзистор, MOSFET, 2SK135, 2SJ50